اشنو انت وشنو حالك يا انسان
فين مشات قوتك وجبروتك يا بنادم
ضاعت منك الانسانية ضاع الحنان
عيد لي لله كيف ترتاح فنعاسك يا لعادم
بعدتي من طريق الله بعدتي من الامان
درتي شرعك وفشرعك طاغي جبار ظالم
تحارب جوهر الحق وما جات به الاديان
وانت ضعيف فاني جاهل وتظن فاهم
سبحان الله يابنادم شحال مغرور
ما قريتي دواير الزمان ولا فهمتي حال
ماسطع فداخل قلبك شعاع النور
ولا طرحتي فخلوتك على نفسك سؤال
كنت فرحام امك وتاليك لرحام قبور
شوف صباك وشبابك دوام لحال محال
شوف يالغافل الزمان كيف يجور
وشحال من مخلوق مصيرو الى زوال
تامل يانسان مكر الله فالخلق و فالكون
باضعف خلايقو يعدل كفات الميزان
شوف اصاح السر المكنون فقولة كن فيكون
اما من كافر بان لو الحق بالدليل والبرهان
شوف اصحاب لمال وكل من بالدنيا مفتون
ما بقات فيها لا نكليز لا روس لا ميركان
وباء ماعندو شفاء مثيل من بالجن مسكون
لولا كرم الله العظيم وسابقة فالايمان
الشاعر المغربي/ عبد العلي فيلالي بالحاج
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.