دودحية تحانب دودحي

في دجى الليل وعاد الصبح ماصحي

دودحيه فزت وقامت تحانب دودحي..

هي تقول إمسي, وهو يقول إصبحي

... هي تقول إخجل, وهو يقول إستحي..

قال:

مو بك الليله قمتي فوقي تتقارحي

تشتي تطيري ضبحك عندي تضبحي..

أيش حصل بس قولي وانا الدودحي

طول عمري والضبح لايغادر مطرحي..

وانت كان مفروض الليله تفرحي

وترقصي مع الراقصين السذج وتمرحي..

الراقصين على الجراح حتى تحي

وتكوني من جيزهم حتى لو لم تجرحي..

قالت:

مو الخبر هذا حقك؟ عيب إستحي

أنت داري بي وتعرف مانيش مصلحي..

وانت لو كنت صدق, كنت إلتحي

وزد قصرالثوب شترجع الشيخ الدودحي..

بس أوبه تمكني إتوشحي إتوشحي

غطي وجهك ... ضمي رجلك تفلحي..

قال:

والله ماضيعونا غير أصحاب اللحي*

وانت إضربي والا إقسمي أو إطرحي..

باعوا الثور,وقالوا للبقري اسرحي

بعدما هم حلبوها ولحوا جسمه لحي..

هم تري مش مثل ما أنت تطمحي

ولا هم مثل ما انت تحت الفقر ترزحي..

همهم هم سلطه فيها مال ماينمحي

أللي شيموت مات , واللي شحي يحي..

مش مثلما أنت همك الأمه تحي

حرية فيها بأعلى صوتك تصدحي..

تسمعي الدنيا أناشيد شعب صحي

ترتقي أعلى المراتب, وبالعلم تتسلحي..

إبقي في الساحة وحذاري أن تبرحي

حتى لو الأثوار قامت تناطح فلاتنطحي..

ملمح الثورة السلام وسيبقى ملمحي

ما فجعنا الربح لا, ولن يفجعنا المربحي

جلال الدوسري